ПРОГРАМА
за Прва Спортско-риболовна Лига 2024 дисциплина Пливка
категорија Сениори, У-25 и У-20
за Прво и Второ коло
Согласно усвоениот Календар и Пропозициите за Спортско-риболовни натпревари за 2024 година, ја објавуваме програмата за Прво и Второ коло од натпреварите во Првата Лига дисциплина Пливка.
Организатор на натпреварот: Македонската Риболовна Федерација и Натпреварувачката комисија за дисциплина Пливка.
Место на одржување: Тиквешко Езеро, патека Модри Стени
Термин: 13.04.2024 (сабота) – Прво коло
14.04.2024 (недела) – Второ коло
Право на учество во Првата Лига во натпреварувачката 2024 година имаат сите РЗК со една или повеќе екипи, доколку навремено се пријават, ја уплатат годишната членарина и котизација за 2024 година и ги достават сите потребни документи. Краен рок за пријавување е 07. Април 2024 година.
Уплата за котизација и спортски легитимации на:
Ж-сметка: 300 0000001910-29 Депонент: Комерцијална Банка - Скопје
Сите РЗК што ќе се пријават за учество во Првата Лига во конкуренција Сениори, задолжително мора да пријават и најмалку еден натпреварувач во категориите У-20 или У-25.
Право да пријават свои натпреварувачи за оваа лига, имаат и РЗК кои немаат екипа во сениорска конкуренција, доколку навремено се пријават и ги исполнат пропишаните обврски спрема МРФ. Бројот на натпреварувачи не се ограничува.
За категорија У-25 натпреварувачот во 2024 да не полни повеќе од 24 години, а за категорија У-20 да не полни повеќе од 19 години.
Помлад натпреварувач може да настапи само во една категорија повисоко (У-25 во сениори, У-20 да настапи во У-25 и У-15 да настапи во У-20 категорија). Доколку натпреварувач од У-15 настапи во категоријата У-20 не го губи правото да се натпреварува на Државното Првенсто за У-15 и Купот Рибарче (може да учествува во својата категорија).
Екипите се составени од 3 (три) натпреварувачи, 1 (еден) резервен натпреварувач, еден натпреварувач (У-20 или У-25) и 2 (два) капитени на екипата. За утврдување на идентитетот, членовите на екипите задолжително треба да поседуваат Спортски легитимации за 2024 год.
На патеката се активни следните видиви риби: плашица, црвеноперка, карас, крап, сончарка, костреж, клен, попадика и др. Дозволено е да се ловат сите видиви риби без ограничување на големината.
Во натпреварите од Првата лига, нема ограничување на риболовниот прибор и техниките на ловење, освен во категоријата У-20 каде риболовната трска не смее да биде подолга од 11,5 метри.
Саатница:
12.04.2024. (петок)
08:00 – 18:00 Официјален тренинг
13.04.2023 (сабота) Прво коло
До 07:30 пристигнување и пријавување на екипите
07:30 – 08:00 извлекување на стартните позиции
08:00 – 08:15 свечено отворање на Првата лига
08:15 – 08:30 пристап до стартните места
08:30 влегување во стартните места
09:15 пет минути до контрола на прихраната и мамките
09:20 контрола на прихраната и мамките
10:20 тешка прихрана
10:30 почеток на ловењето риби
14:25 пет минути до крајот на натпреварот
14:30 крај на ловењето риби
14.04.2023 (недела) Второ коло
До 07:15 пристигнување и пријавување на екипите
07:15 – 07:45 извлекување на стартните позиции
07:45 – 08:00 пристап до стартните места
08:00 влегување во стартните места
08:45 пет минути до контрола на прихраната и мамките
08:50 контрола на прихраната и мамките
09:50 тешка прихрана
10:00 почеток на ловењето риби
13:55 пет минути до крајот на натпреварот
14:00 крај на ловењето риби
Судиската комисија ќе го одреди потребниот број на судии.
Ви посакуваме богат улов и БИСТРО!
Подготвено од Натпреварувачка комисија – Пливка
тел. 070 26 27 28 Претседател,
БОРЧЕ ЕЛЕНОВ
